កំសត់ណាស់! បងប្រុសសុខចិត្តធ្វើការសំនង់ ដើម្បីបានប្រាក់ព្យាបាលជំងឺមហារីកគ្រាប់ឈាមរបស់ប្អូន

ប្រទេសចិន៖ នេះប្រហែលជាគ្រាន់តែជារឿងគូរអោយកំសត់បំផុត
ដែលអ្នកទំាងអស់គ្នាគួរតែអាននៅក្នុងថ្ងៃនេះ។

គ្រាន់តែប៉ុន្មានថ្ងៃមុនបងប្រុសម្នាក់មានអាយុ ១៩ឆ្នំា ដែលពេញដោយសេចក្តីស្រឡាញ់ ឆ្នាំចំពោះ
ប្អូនប្រុសដែលមានជំងឺមហារីកគ្រាប់ឈាមបានរៀបរាប់ ទំាងទឹកភ្នែកនៅពេលគាត់មានលុយគ្រាប់
គ្រាន់សម្រាប់ការព្យាបាលប្អូនប្រុសរបស់ខ្លួន។ គាត់បានថ្លែងអំណរអរគុណដល់សប្បុរសជន ដែលផ្តល់លុយសំរាប់ជួយសង្រ្គោះអាយុជីវិតប្អូនរបស់គាត់ហើយគាត់ក៏អរគុណដល់ប្រព័ន្ធផ្សព្វផ្សាយ។

យោងតាមសារពត៏មាន Hupu យុវជនម្នាក់នេះមានឈ្មោះថាម៉ា(Ma) ដែលមកពីភូមិក្រីក្រមួយក្នុង ខេត្តហ៊ួប៉ីប្រទេសចិន។ ហើយស្ថានភាពគ្រួសាររបស់ពួកគេ
ដែលមានភាពអាក្រក់រួចទៅហើយបានប្រែទៅជាអាក្រក់នៅពេលដែលប្អូនប្រុសដែលមានអាយុ 3 ឆ្នាំត្រូវបានគេធ្វើរោគវិនិច្ឆ័យថាមានជំងឺមហារីកឈាម។
ទោះបីជាមានការប្រឆាំងនឹងគ្រួសារក៏ដោយក៏ម៉ាមិនព្រមបោះបង់ចោលប្អូនប្រុសរបស់គាត់ដែរ។ ដូច្នេះគាត់សម្រេចចិត្តសិក្សាយ៉ាងលំបាកដើម្បីក្លាយជាវេជ្ជបណ្ឌិតដោយសង្ឃឹមថានឹងព្យាបាល
ជំងឺមហារីកឈាមរបស់គាត់ដោយផ្ទាល់។ គាត់បាននិយាយថា "ខ្ញុំត្រូវតែចូលរៀននៅសាលាពេទ្យដើម្បីមានឱកាសព្យាបាលប្អូនប្រុសរបស់ខ្ញុំ" ។ គាត់បានសិក្សាយ៉ាងលំបាកសម្រាប់ការប្រឡងចុងក្រោយរបស់គាត់និងបានពិន្ទុសរុបចំនួន 456 ។ ថ្ងៃបន្ទាប់ពីគាត់បានបញ្ចប់ការប្រឡងចុងក្រោយម៉ាបានធ្វើដំណើរទៅកន្លែងសំណង់ក្បែរនោះ
ដើម្បីធ្វើការជាកម្មករសំណង់។ ឪពុកម្តាយរបស់គាត់ទាំងពីរនាក់ក៏បានចេញទៅធ្វើការប្រហែលមួយខែមុន។
ហើយយាយអាយុ 80 ឆ្នាំរបស់គាត់បានស្នាក់នៅផ្ទះដើម្បីមើលថែប្អូនប្រុសដែលឈឺ។ ម៉ាមានឆន្ទៈក្នុងការធ្វើអ្វីគ្រប់យ៉ាងដើម្បីរកលុយបានខ្លះសម្រាប់ថ្លៃពេទ្យរបស់ប្អូនប្រុសរបស់គាត់។ យើងសង្ឃឹមថាប្អូនប្រុសរបស់ម៉ាអាចឆ្លងកាត់ការផ្លាស់ប្តូរខួរឆ្អឹងនិងទទួលបានជ័យជំនះលើជម្ងឺមហារីកឈាម។