សាហាវណាស់ព្រៃផ្សៃណាស់!!!! ឃាតកចាក់សម្លាប់ ថៅកែលក់គ្រឿងបន្លាស់រថយន្តយកទ្រព្យសម្បត្តិ រួចដោះកាមេរ៉ាសុវត្ថិភាពយកទៅបាត់
សៀមរាប ៖ ថៅកែលក់គ្រឿងបន្លាស់រថយន្តមួយកន្លែង ត្រូវជនសង្ស័យប្រើកាំបិតចុងស្រួចចាក់ចំបំពង់កសម្លាប់ រួចប្រមូលយកទ្រព្យសម្បត្តិអស់មួយចំនួន។សមត្ថកិច្ចនៅកន្លែងកើតហេតុបានឲ្យដឹងថា ជនរងគ្រោះមានឈ្មោះ ពិត បារាំង អាយុ45ឆ្នាំ មានទីលំនៅនៅកន្លែងកើតហេតុក្នុងភូមិក្រួស សង្កាត់ស្វាយដង្គំ ក្រុងសៀមរាប។ សមត្ថកិច្ចបន្តថា តាមការពិនិត្យកន្លែងកើតហេតុ និងសាកសួរអ្នកជិតខាង ហេតុការណ៍ចាក់សម្លាប់នេះអាចកើតឡើងចន្លោះម៉ោង២១យប់ថ្ងៃទី២៣ ខែមេសា ឆ្នាំ២០១៨ ប៉ុន្តែក្រុមគ្រួសារបានដឹង នៅម៉ោង៨ព្រឹក នាថ្ងៃទី២៤ ខែមេសា ឆ្នាំ២០១៨ នេះ។
សមត្ថកិច្ចនៅមិនទាន់ដឹងអំពីការបាត់បង់ទ្រព្យសម្បត្តិរបស់ជនរងគ្រោះនៅឡើយទេ ព្រោះជនរងគ្រោះរូបនេះគាត់រស់នៅតែម្នាក់ឯង។ ហើយករណីនេះជនល្មើស បានដោះយកកាមេរ៉ាសុវត្ថិភាព រួចគេចខ្លួនបាត់ទៅ៕
Post a Comment