ការ៉ាកេត បង្ហាញសមត្ថភាពយំ ប្រើពេលមិនដល់ ១នាទីផង ទឹកភ្នែកហូរដូចទឹក(វីដេអូ)

ថៃ៖ អាចនិយាយបានថាតារាសម្តែងស្រី Bella Ranee បានក្លាយជាតួឯកស្រីម្នាក់ ដែលមានភាពល្បីល្បាញខ្លាំង ដោយសារតែសមត្ថភាពក្នុងការសម្តែងរបស់នាងពិតជាមិនធម្មតា ដោយនាងអាចឆក់យកចិត្តអ្នកទស្សនារឿងភាគរបស់នាងទាំងឡាយ ឲ្យស្រលាញ់ និងលង់សម្រស់នាងព្រមគ្នាផងដែរ។

ជាក់ស្តែងណាស់ នាងជាតារាម្នាក់ដែលសម្តែងចូលតួរហូតមក ប៉ុន្តែគេមិនបានដឹងទេថា នាងប្រើរយៈពេលប៉ុន្មាន ក្នុងការសម្តែងចូលតួម្តងៗ។

ដោយនាពេលថ្មីៗនេះ នាងបានចេញទៅកម្មវិធីមួយដែលមានឈ្មោះថា The Best of All ដោយកម្មវិធីនេះ តម្រូវឲ្យនាងយំ ហើយឲ្យទស្សនិកជននៅក្នុងស្ទូឌីយូ ទាយថានាងនឹងប្រើរយៈពេលប៉ុន្មាន ដើម្បីអាចឲ្យទឹកភ្នែករបស់នាងហូរមកខាងក្រៅបាន។

ដោយនៅក្នុងកម្មវិធីនោះ នាងបានបញ្ចេញសមត្ថភាពនាងឲ្យ ទស្សនិកជនក៏ដូចជាអ្នកគាំទ្របានដឹងថា នាងប្រើរយៈពេលត្រឹមតែ ៤២វិនាទីប៉ុណ្ណោះ ទឹកភ្នែករបស់នាងបានហូរចេញមកក្រៅទៅហើយ ដោយហេតុនេះហើយ នាងបានធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំង ចំពោះសមត្ថភាពពិសេសរបស់នាងមួយនេះ៕

ប្រភព៖ khmerload