អ្នកគាំទ្រហូរទឹកភ្នែក បន្ទាប់ពីឃើញសម្តីមួយម៉ាត់របស់ ប៊ុត សីហា

ភ្នំពេញ៖ បន្ទាប់ពីមានបញ្ហាជាច្រើនបានកើតឡើងមកលើ ម្ចាស់ពាន The Voice Cambodia រដូវកាលទី១មក នៅពេលនេះ ប៊ុត សីហា គ្មានផលិតកម្មណាសម្រាប់ជ្រកដើម្បីបន្តអាជីពជាតារាចម្រៀងតទៅទៀតនោះទេ។ ប៉ុន្តែតារាសម្បុរស្រអែមរូបនេះ នៅមានអង្គការមួយកន្លែង ដែលនៅចាំជួយលោក ហើយមិនត្រឹមតែប៉ុណ្ណោះថែមទាំងផលិតចម្រៀងជូនលោក ជាច្រើនបទថែមទៀតផង។

ជាក់ស្តែង កាលពីថ្មីៗនេះ លោក ប៊ុត សីហា បានធ្វើឲ្យមហាជន ក៏ដូចជាអ្នកគាំទ្ររបស់ខ្លួន ស្ទើរតែទប់ទឹកភ្នែកមិនបាន នៅពេលដែលម្ចាស់បទ «កូនខុសហើយម៉ែ» រូបនេះ បានបង្ហោះសារ ក្នុងន័យបាក់ទឹកចិត្តនៅក្នុងគណនីផ្ទាល់ខ្លួនថា «ស្នាមញញឹមមួយនេះប្រហែលនៅមិនយូរទេ សូមទោសពុកម៉ែបងប្អូន។អរគុណដល់អង្គការដែលចំណាយពេលនិងជួយធ្វើបទចម្រៀងឲ្យ”។

យ៉ាងណាមិញ បន្ទាប់ពីឃើញសាររបស់ សីហា បែបនេះហើយ មហាជនជាច្រើន បានមកផ្តល់ជាមតិយោបល់ និងលើកទឹកចិត្តតារាចម្រៀងរូបនេះឲ្យខំប្រឹងតស៊ូបន្តទៀត។ ក្នុងនោះដែរ សីហា ក៏បានតបComment ទៅអ្នកគាំទ្ររបស់ខ្លួនវិញទាំងសោកសៅមួយឃ្លាទៀតថា «អរគុណអ្នកបង តែខ្ញុំហត់នឹងការប្រមាថហ្នឹងណាស់ ហើយហត់នឹងការទ្រាំឲ្យគេជេណាស់បើអត់ពីខ្ញុំ ខ្ញុំមិនចេញមុខ ប្រហែលមិនមានអ្នកជេ»។

ទោះជាយ៉ាងណាក្តី មូលហេតុដែលរឹតតែធ្វើឲ្យសីហា ចង់បោះបង់អាជីពសិល្បៈ និងបង្ហោះសារក្នុងន័យបាក់ទឹកចិត្តបែបនេះ ក៏ព្រោះតែលោកមិនអាចទ្រាំទ្រនឹងពាក្យរិះគន់ បែបប្រមាថ ពីសំណាក់មហាជនយ៉ាងច្រើន ខណៈពេលដែលលោកមានបញ្ហារាប់មិនអស់បែបនេះនោះទេ៕

ប្រភព៖ khmerload