តោះ យើងនាំគ្នាបើកវាំងននខ្មៅជូនក្មេងស្រីរងគ្រោះដែលត្រូវបានមហាជនប្រមាទមាក់ងាយដល់ថ្នាក់គិតខ្លីចង់បញ្ចប់ជិវិត....

កាលពីពេលកន្លងទៅមានរឿងរ៉ាវដ៏គួរឱ្យហួសចិត្តមួយ ដែលយុវជនកំហូចម្នាក់បានបន្លំខ្លួនជាកូនកំលោះ លបឡើងទៅរួមរ័កជាមួយកូនក្រមុំ ដល់ទៅ៣ដង ក្នុង១យប់នោះ ក្រោយបែកធ្លាយរឿងរ៉ាវ ធ្វើឱ្យសាមីខ្លួនកូនកំលោះខឹងច្រឡោតយ៉ាងខ្លាំង រហូតដល់សម្រេចរំសាយមង្គលការ រួចវេចបង្វេចត្រឡប់ទៅផ្ទះវិញ តែក៏មិនភ្លេចទាមទារបណ្ណាការពីម្តាយខាងស្រី ចំនួន១៤០០ដុល្លារមកវិញ។

ដោយមើលឃើញថាករណីមួយនេះ ពិតជាអយុតិធម៌ លោក តាន់ គីមសួរ អាចារ្យធំ និងក្រុមការងាររបស់លោក បានធ្វើការសើរើនូវរឿងរ៉ាវ ព្រមទាំងធ្វើការសាកសួរអ្នកដែលពាក់ព័ន្ធឲ្យបកស្រាយ ដើម្បីស្វែងរកយុត្តិធម៌ឲ្យក្មេងស្រីរងគ្រោះដែលមានវ័យ១៧ឆ្នាំនេះ។ ចំណែកកាលពីម្សិលមិញ លោក តាន់ គីមសួរ បានបង្ហោះវីដេអូមួយ​របស់លោកយាយ ក្មេងស្រីរងគ្រោះ ដែលគាត់បានរៀបរាប់ប្រាប់ពីដំណើររឿងមួយនេះ ហើយលោក តាន់ គីមសួរ ក៏បានសរសេរសារមួយផងដែរថា៖

"តោះ យើងនាំគ្នាបើកវាំងននខ្មៅជូនក្មេងស្រីរងគ្រោះដែលត្រូវបានមហាជនប្រមាទមាក់ងាយដល់ថ្នាក់គិតខ្លីចង់បញ្ចប់ជិវិត។ នាំគ្នាទស្សនាហើយធ្វើការវិភាគទាំងអស់គ្នា។ តោះៗ ស្តាប់យាយក្មេងស្រីរងគ្រោះ=>ម្តាយក្មេងស្រីរងគ្រោះ=>ឪពុកក្មេងស្រីរងគ្រោះ=>មេភូមិ=>ម្តាយជនបង្ក=>ប៉ូលិសនិយាយអំពីរឿងរ៉ាវទាំងអស់ជាមួយគ្នា។"។