ជើងខ្លាំងចិន Xie Chao ប៉ះ មាស ម៉ើ តើអ្នកណាជាអ្នកខ្លាំង
ជើងខ្លាំងក្នុងទ្រុងកម្ពុជា មាស ម៉ើ ដល់ពេលបង្ហាញខ្លួនក្នុងការប្រកួតអន្តរជាតិទៀតហើយរបស់ One Championship នាចុងសប្តាហ៍នេះនៅពេលរូបគេត្រូវប្រឈមនឹងជើងខ្លាំងចិន Xie Chao នៅប្រទេសសិង្ហបុរី។
អ្នកលេងកណ្តាប់ដៃរហ័សចិន Xie Chao ជាកីឡាករម្នាក់ដែលមានបទពិសោធច្រើនក្នុងទ្រុង។ បើតាមស្ថិតិបង្ហាញថា កីឡាករចិនម្នាក់នេះធ្លាប់វ៉ៃក្នុងទ្រុងឲ្យ២កម្មវិធីផ្សេងគ្នាគឺកម្មវិធី WLF-W.A.RS និង One Championship។ រូបគេធ្លាប់ប្រកួតបាន១១ដងក្នុងនោះឈ្នះ៨ដង និងចាញ់៣ដង។
១១ប្រកួតរបស់ Xie Chao
១- ចាញ់ Taimuraz Zhalilov កាលពីថ្ងៃទី១៤ មេសា ២០១៨ ដោយពិន្ទុ នៅWLF-W.A.RS២- ចាញ់ Sitik Muduev កាលពីថ្ងៃទី១៧ មីនា ២០១៨ ដោយពិន្ទុនៅ WLF-W.A.RS៣- ឈ្នះ Ismail Kharbiyev កាលពីថ្ងៃទី១៣ មករា ២០១៨ សន្លប់ទឹកទី១នៅ WLF-W.A.RS៤- ឈ្នះ Shamil Nasrudinov កាលពីថ្ងៃទី១៦ ធ្នូ ២០១៧ ដោយពិន្ទុ នៅWLF-W.A.RS៥- ឈ្នះ Kelvin Ong កាលពីថ្ងៃទី១០ វិច្ឆិកា ២០១៧ ទឹកទី១នៅOne Championship៦- ឈ្នះ Gia Barkalaia កាលពីថ្ងៃទី១៦ កញ្ញា ២០១៧ ទឹកទី១នៅWLF-W.A.RS៧- ឈ្នះ Marc Marcellinus កាលពីថ្ងៃទី២ កញ្ញា ២០១៧ ទឹកទី១នៅ One Championship៨- ឈ្នះ Sukhbold Sodnomdorj ២២ មិថុនា ២០១៧ ទឹកទី១ នៅWLF-W.A.RS៩- ចាញ់ Ruslan Khairulin កាលពីថ្ងៃទី២០ ឧសភា ២០១៧ ដោយពិន្ទុនៅWLF-W.A.RS១០- ឈ្នះ Eugen Braun កាលពីថ្ងៃទី២២ មេសា ២០១៧ ទឹកទី២នៅ WLF-W.A.RS១១- ឈ្នះ Keishi Yagi កាលពីថ្ងៃទី២៤ តុលា ២០១៦ ទឹកទី១នៅ WLF-W.A.RS
ចំណែក មាស ម៉ើ ជាជើងខ្លាំងម្នាក់ដែលមានបទពិសោធប្រកួតច្រើនដែរទាំងព្រឹត្តិការណ៍អន្តរជាតិ និងកម្មវិធីក្នុងស្រុក។ បន្ទាប់ពីចាញ់ចុងក្រោយ កីឡាករកម្ពុជារូបនេះបានខិតខំហ្វឹកហាត់យ៉ាងខ្លាំងដើម្បីត្រៀមប្រកួតនាពេលខាងមុខនេះ។ ស្ថិតិប្រកួតក្នុងព្រឹត្តិការណ៍សំខាន់ៗបង្ហាញថា មាស ម៉ើ ធ្លាប់វ៉ៃបាន៦ដងក្នុងនោះឈ្នះ៥ដង និងចាញ់តែ១ដងគត់។ តាមពិតទៅ រូបគេធ្លាប់ប្រកួតក្នុងស្រុកជាច្រើនទៀត។
៦ប្រកួតរបស់ មាស ម៉ើ១- ចាញ់ Edward Kelly កាលពីថ្ងៃទី២៦ មករា ២០១៨ ទឹកទី១នៅ One Championship២- ឈ្នះ Allen Chong កាលពីថ្ងៃទី៤ វិច្ឆិកា ២០១៧ ទឹកទី២នៅ Full Metal Dojo៣- ឈ្នះ Jirwat Lamsamang កាលពីថ្ងៃទី២៥ កុម្ភៈ ២០១៧ ទឹកទី២នៅ Full Metal Dojo៤- ឈ្នះ ចាន់ សំអាត កាលពីថ្ងៃទី៥ ធ្នូ ២០១១៥ ទឹកទី១នៅ One Championship៥- ឈ្នះ ចាន់ ហេង កាលពីថ្ងៃទី១២ កញ្ញា ២០១៤ ទឹកទី១នៅ One Championship៦- ឈ្នះ រិន សារ័ត្ន កាលពីថ្ងៃទី២៥ ឧសភា ២០១៤ ដោយពិន្ទុនៅ Khmer Warrior Championship
ព្រឹត្តិការណ៍ One: Unstoppable Dreams នឹងចាប់ផ្តើមវ៉ែវេលាម៉ោង៧យប់ ថ្ងៃសុក្រ ទី១៨ ខែឧសភា ឆ្នាំ២០១៨នេះនៅកីឡដ្ឋាន Indoor Stadium ប្រទេសសិង្ហបុរី៕
Post a Comment