ដល់ក! ប្រពន្ធមន្ត្រីយោធាម្នាក់ នាំសាហាយទៅដេកដល់ក្នុងបន្ទប់ ត្រូវប្តីតាមទាន់ចាក់សោរពីក្រៅ ជាប់ទាំងប្រពន្ធផិតក្បត់ និងសាហាយស្មន់

ស្ត្រីជាប្រពន្ធមន្ត្រីយោធាម្នាក់ បាននាំសាហាយទៅដេកដល់ក្នុងបន្ទប់របស់ខ្លួន ត្រូវបានប្តីតាមទាន់ចាក់សោរ​ទុកក្នុងបន្ទប់ រួចប្តឹងនគរបាលប៉ុស្តិ៍ចោមចៅ ខណ្ឌពោធិ៍សែនជ័យ ឲ្យចុះមកឃាត់ខ្លួន​ទាំងប្រពន្ធផិតក្បត់ និងសាហាយស្មន់​ចាត់ការតាមផ្លូវច្បាប់។

ហេតុការណ៍ដ៏គួរអាម៉ាសនេះ បានកើតឡើងនៅចំណុចបន្ទប់ជួល ភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ។

សមត្ថកិច្ចបានឲ្យដឹងថា បុរសជាសាហាយស្មន់ ឈ្មោះ កែវ ហៃ អាយុ២៩ឆ្នាំ មុខរបរកម្មកររោងចក្រ មានទីលំនៅភូមិជ្រៃកោង សង្កាត់ចោមចៅ ស្រុកកំណើត នៅស្រុកកំពង់ត្របែក ខេត្តព្រៃវែង មានកូនពីរនាក់។

ចំណែកស្រ្តីផិតប្តីឈ្មោះ ម.ច.ន អាយុ២៥ឆ្នាំ មានប្តីជាមន្ត្រីយោធាឈ្មោះ ន.ស.ល អាយុជិត៣០ឆ្នាំ និងមានកូនម្នាក់។

សមត្ថកិច្ចបានឲ្យដឹងថា តាមដំណើររឿងហេតុ ស្ត្រីផិតប្តីខាងលើ បានលួចទាក់ទង និងបុរសជា​ប្រុសសាហាយ​ស្មន់នោះ អស់រយៈពេលជាង១ឆ្នាំ កន្លងមកហើយ។ ពេលដែលប្តីមិននៅផ្ទះ នាងតែងតែហៅ​ប្រុសសាហាយ ចូលដេកដល់ក្នុង​បន្ទប់របស់ខ្លួន សឹងរាល់ថ្ងៃអស់រយៈ​ពេលជា១ឆ្នាំ ជួនកាលប្រុស​សាហាយស្មន់ ជិះម៉ូតូរបស់ខ្លួនមក​ ជួនកាលជិះម៉ូតូឌុប​មករកនាង​ហើយពេលខ្លះនាងបានឲ្យសាហាយឌុប​ពីកន្លែងធ្វើការ​ទៀតផង ដោយកុហក​ប្តីថា ជាបងប្អូនជូនមក។

សមត្ថកិច្ចបានបន្តទៀតថា មានប្រជាពលរដ្ឋ​បានលួចខ្សឹប​ប្រាប់​បុរសជាប្តីថា គេឃើញប្រពន្ធរបស់ខ្លួន​នាំប្រុសចូលបន្ទប់ស្ទើរ​រាល់ថ្ងៃ ពេលដែលគេជាប្តី​មិននៅផ្ទះ។ ឮដូចច្នេះ ប្តីក៏មានកាសង្ស័យតាម ដានជាច្រើនថ្ងៃ ខណៈមកដល់ម៉ោងកើត​ហេតុខាងលើ តាមទាន់ក៏ឃើញនាងនាំសាហាយចូលក្នុងបន្ទប់​បិទទ្វារ ជិតបង្កការភ្ញាក់ផ្អើលឆោឡោ ដល់អ្នកជិតខាងប្តី ប្តឹងសមត្ថកិច្ចឃាត់ខ្លួន សាហាយ និងស្រ្តីផិតប្តីមកប៉ុស្តិ៍ចាត់ការផ្លូវច្បាប់តែម្តង៕