រន្ធត់ណាស់លោកអើយ!!! បណ្ឌិត ស៊ុយ សារ៉េតរាប់រឿងរ៉ាវពីដំបូង រហូតដល់គេវាយស្ទើរស្លាប់ ទាំងទឹកភ្នែក (មានវីដេអូ)

ភ្នំពេញ៖ បណ្ឌិត ស៊ុយ សារ៉េត សាស្ត្រាចារ្យបង្រៀននៅសាកលវិទ្យាល័យកម្ពុជា ត្រូវបានប្រជាពលរដ្ឋ តាមវាយ និងបំផ្លាញរថយន្តនារសៀលថ្ងៃទី១១ ខែមីនា ឆ្នាំ២០១៨ បណ្តាលឲ្យរងរបួសធ្ងន់ធ្ងរ ត្រូវក្រុមគ្រួសារ បញ្ជូនទៅសង្គ្រោះបន្ទាន់ នៅមន្ទីរពេទ្យប្រទេសវៀតណាម មកទាល់ពេលនេះលោកមានសភាពធូរស្បើយឡើងវិញហើយ ពោលគឺលោកអាចនិយាយស្តីបានខ្លះៗ ខណៈធ្មេញប៉ុន្មានគ្រាប់ត្រូវបាក់ ចំណែកឯខួរក្បាលគ្មានអ្វីប៉ះពាល់ធ្ងន់ធ្ងរទេ។

កាលពីយប់មិញនេះគេឃើញក្នុងហ្វេសប៊ុកផ្លូវការណ៍មួយរបស់លោក ផែង វណ្ណៈ បានបង្ហោះវីដេអូដែលកំពុងតែកក្រើក្នុងប្រទេសកម្ពុជាយើងគឺរឿងរ៉ាវទាក់ទងទៅនឹងបណ្ឌិត ស៊ុយ សារ៉េត ដែលត្រូវ​បានគេវាយស្ទើរស្លាប់ស្ទើររស់ ដោយពេលនេះគាត់បានរៀបរាប់តាំងមុនពេលកើតហេតុរហូតដល់ពេលដែលត្រូវគេវាយគាត់យ៉ាងសាហាវព្រៃផ្សៃបំផុត។ ក្នុងនោះផងដែរ បើស្តាប់តាមសំដីរបស់គាត់ តាមពិតរឿងនេះតូចតាចបំផុត ដែលសឹងតែមិននឹកស្មានដល់ថាអាចកើតជារឿងដ៏ធំ ហើយសាហាវបែបនេះសោះ។

ម្នាក់ៗបន្ទាប់ពីស្តាប់ហើយ អាចមានអារម្មណ៍កាន់តែអាណិតដល់រូបលោកកាន់តែខ្លាំង ព្រោះគាត់រៀបរាប់ទាំងទឹកភ្នែកដែលមើលទៅគួរឲ្យស្រណោះខ្លាំងជាទីបំផុត។