ពេលនេះបានស្គាល់ឈ្មោះនិងរូប របស់គូស្វាមី ភរិយាថ្មី ដែលប្រើស៊ីក្លូ សម្រាប់ពិធីហែជំនូនហើយ(មានវីដេអូ)

កាលពីព្រឹកថ្ងៃទី១៧ ខែមីនា ឆ្នាំ២០១៨ មានរឿងគួរឱ្យភ្ញាក់ផ្អើលមួយដោយគេឃើញមង្គលការមួយប្រើស៊ីក្លូដឹកភ្ញៀវហែជំនូន ដែលបានបានរៀបចំឡើងនៅមជ្ឈមណ្ឌលសន្និបាត និងពិព័រណ៌កោះពេជ្រ ។ មានការចែករំលែកយ៉ាងច្រើនក្នុងបណ្តាញទំនាក់ទំនងសង្គម ដោយសារតែជាលើកទីមួយហើយដែលមានក្នុងស្រុកខ្មែរយើង។

ក្នុងនោះផងដែរពិធីមង្គលការមួយនេះ បានធ្វើឱ្យមហាជនមានការចាប់អារម្មណ៍ និងមានការចែករំលែកតៗជាច្រើនគួរឲ្យកក់សំគាល់ ដោយក្នុងនោះមានការគាំទ្រជាខ្លាំងដោយម្ចាស់ការនេះគាត់មានគំនិតចេះជួយចូលរួមអភិរក្សស៊ីក្លូនៅកម្ពុជាយើង។

គូស្វាមី ភរិយាថ្មី ដែលប្រើស៊ីក្លូ សម្រាប់ពិធីហែជំនូនរបស់ខ្លួននៅពេលព្រឹកនោះ រួមមានកូនកំលោះមានឈ្មោះ ធា សុចិត្ត និងកូនក្រមុំ មានឈ្មោះ លី ធា។