ជនជាតិចិនម្នាក់បើករថយន្តឈប់ចាំស្តុបត្រូវក្រុមចោរខ្ទើយ បើកទ្វាយកកាបូបអស់លុយជិត8000$ (ដុល្លា)
ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៩និង៤៥នាទីយប់ថ្ងៃទី២៦ ខែកក្ដដាឆ្នាំ២០១៧ នៅតាមបណ្ដោយផ្លូវព្រះ សីហនុ កែងនិងផ្លូវ ១៦៣ ត្រង់ចំណុចស្តុបវត្តមហា មន្ត្រី ស្ថិតក្នុងសង្កាត់ អូឡាំពិច ខណ្ឌចំការមន រាជធានីភ្នំពេញ ។
ជនសង្ស័យមានឈ្មោះ សាវឌី ភេទទីបី អាយុ២៤ឆ្នាំ មុខរបរ លក់ គ្រឿងកាអូប ស្នាក់នៅ សង្កាត់ផ្សារដើមថ្កូវ ខណ្ឌចំការមន ចំនែក២នាក់ទៀតដែលរត់គេចខ្លួនមាន ឈ្មោះ អាកា និង អាឡិន
ចំនែកជនរងគ្រោះ មានឈ្មោះ Liu Hongda ជនជាតិចិន ភេទប្រុស អាយុ២៩ឆ្នាំ មុខរបរ Business ស្នាក់នៅ APARTMENT
យោងតាមសម្ដីជនរងគ្រោះបានប្រាប់ឲ្យដឹង ថា មុនពេលកើតហេតុ ជនរងគ្រោះបានចេញមកពីញាំអីនៅហាងចិនមួយកន្លែងម្ដុំផ្សារអូឡាំពិចដោយបើករថយន្តមួយគ្រឿងម៉ាកឡិចសុីសពណ៌ទឹកមាសពាក់ស្លាកលេខ តាកែវ 2L-2089 ធ្វើដំណើរតាមបណ្ដោយផ្លូវព្រះសីហនុទិសដៅពីលិចទៅកើត ខណៈមកដល់ចំណុចកើតហេតុខាងលើ រថយន្តបានឈប់ចាំសញ្ញាភ្លើងស្តុបពណ៌ ខៀវខណៈ ដែលកំពុងឈប់ចាំនោះ ក៏ស្រាប់តែមានក្រុម ខ្ទើយដែលជាជនសង្ស័យមានគ្នា៣នាក់ជិះម៉ូតូមួយគ្រឿងម៉ាកស្គុបពីពណ៌សពាក់ស្លាកលេខភ្នំពេញ 1CO-4779 ជិះឌុបគ្នាមកឈប់ក្បែរ រថយន្ត ជនរងគ្រោះរួចគ្នាគេពីនាក់បានចុះមកធ្វើសកម្មភាពបើករថយន្តដោយម្នាក់បើកទ្វារខាងមុខនិងម្នាក់ទៀតបើកទ្វារក្រោយ ហើយបានយកការបូបលុយដែលមានលុយជិត8000$(ដុល្លា) និងឯកសារសំខាន់ៗមួយចំនួនរួមទាំងប៉ាស្ពរ័មួយស្លឹក
រួចពួកគេបានរត់ឡើងជិះម៉ូតូបំណងគេចខ្លួនតែត្រូវជនរងគ្រោះបើករថយន្តដេញតាមរហូតមកដល់ ផ្លូវ២៨៤ជាប់របងវត្តមហាមន្ត្រី ខាងត្បូងទើបបុកពីក្រោយម៉ូតូបណ្ដាលឲ្យដួលហើយត្រូវបានប្រជាពលរដ្ឋជួយចាប់បានម្នាក់រួចស្វាគមន៍មួយដៃមួយជើងឡើងទ្រោមខ្លួន ចំណែកពីរនាក់ទៀតបានរត់គេចខ្លួនចូលក្នុងវត្តមហាមន្ត្រីបាត់ស្រមោល ដោយយកទាំងការបូបទៅជាមួយផងដែរ ។
ក្រោយពេលកើតហេតុសមត្ថកិច្ចបាននាំយកជនសង្ស័យមកធ្វើការសាកសួរនៅប៉ុស្តិនគរបាលអូឡាំពិចហើយ ជនរងគ្រោះបានដាក់ពាក្យប្ដឹង បន្ទាប់មកសមត្ថកិច្ចកសាងសុំណុំរឿងបញ្ចួន ជនសង្ស័យនិងវត្ថុតាងទៅអធិការខណ្ឌ ចំការមនចាត់ការបន្តតាមនិតិវិធីច្បាប់ ។ រីឯរថយន្តសមត្ថកិច្ចប្រគល់ឲ្យម្ចាស់យកទៅជួសជុលដោយខ្លួនឯង ៕
ប្រភព៖សួន វីរៈ
Post a Comment