ឪពុកអ្នកមាននាំកូនឲ្យទៅស្គាល់ផ្ទះអ្នកក្រមានអ្វីខ្លះ ស្រាប់តែឪពុកភ្ញាក់ខ្លួនព្រើត
ថ្ងៃមួយឪពុកដែលជាអ្នកមានទ្រព្យធនហូរហៀរម្នាក់ បាននាំកូនប្រុសទៅលេងជនបទ ដើម្បីបង្ហាញថាការរស់នៅក្នុងស្ថានភាពក្រនាំឲ្យជីវិតលំបាកយ៉ាងណា។ ពួកគេបានចំណាយពេលពីរបីថ្ងៃ ស្នាក់នៅកសិដ្ឋានកម្សត់មួយ សម្ងំចាំមើលទៅគ្រួសារក្រលំបាកបំផុតមួយ។
បន្ទាប់ពីដំណើរកម្សាន្តចប់ត្រលប់ទៅផ្ទះវិញ ឪពុកបានសួរកូនប្រុសពីចំណាប់អារម្មណ៍ចំពោះការផ្សងព្រេងក្នុងនាមជាអ្នកក្រ។ “អស្ចារ្យណាស់ប៉ា…” កូនប្រុសឆ្លើយតបឪពុក។ “ចុះកូនប្រុសមានឃើញថា អ្នកក្រអាចធ្វើអ្វីបានខ្លះទេ?”។ ឪពុកសួរបន្ត ឯកូនក៏បានឆ្លើយថា “បាទ… ឃើញ”។
”អ៊ីចឹងកូនបានរៀនអ្វីខ្លះពីដំណើរកម្សាន្តនេះ”?… កូនប្រុសបានឆ្លើយថា “ខ្ញុំឃើញថា យើងមានឆ្កែមួយ ឯពួកគេមានដល់ទៅបួន…. យើងមានអាងហែលទឹកមួយដល់កណ្ដាលសួន ឯពួកគេវិញមានព្រែកដាច់កន្ទុយភ្នែក… ពេលយប់យើងមានគោមនៅក្នុងសួន តែពួកគេមានផ្កាយពេញមេឃ… យើងមានសួនដល់មុខផ្ទះ ឯពួកគេវិញមានដល់ជើងមេឃ”។
”អ៊ីចឹងកូនបានរៀនអ្វីខ្លះពីដំណើរកម្សាន្តនេះ”?… កូនប្រុសបានឆ្លើយថា “ខ្ញុំឃើញថា យើងមានឆ្កែមួយ ឯពួកគេមានដល់ទៅបួន…. យើងមានអាងហែលទឹកមួយដល់កណ្ដាលសួន ឯពួកគេវិញមានព្រែកដាច់កន្ទុយភ្នែក… ពេលយប់យើងមានគោមនៅក្នុងសួន តែពួកគេមានផ្កាយពេញមេឃ… យើងមានសួនដល់មុខផ្ទះ ឯពួកគេវិញមានដល់ជើងមេឃ”។
កូនប្រុសបានបន្តទៀតថា “យើងមានដីតូចសម្រាប់រស់នៅ ឯពួកគេវិញមានដីស្រែល្វឹងល្វើយ ទេសភាពខុសពីកន្លែងយើង… យើងមានអ្នកតាមបម្រើ តែពួកគេវិញតាមបម្រើអ្នកផ្សេង… យើងទិញអាហារញ៉ាំ តែពូកគេដាំខ្លួនឯង… យើងមានរបងនៅជុំវិញដើម្បីការពារខ្លួន តែពួកគេមានញាតិមិត្តជិតខាងជាអ្នកការពារ”។ ឪពុកក្មេងប្រុសមិនបាននិយាយអ្វីកាត់ទេ ហើយកូនប្រុសក៏បានបន្ថែមទៀតថា “វាបង្ហាញឲ្យខ្ញុំឃើញថា ពួកយើងពិតជាក្រណាស់..”។
កាលពីដំបូង ឪពុកគ្រាន់តែចង់បង្រៀនកូនឲ្យស្គាល់ភាពក្រថាលំបាកយ៉ាងណាប៉ុណ្ណោះ ប៉ុន្តែមិននឹកស្មានថាកូនប្រុសចេះនឹកឃើញដល់ថ្នាក់នេះឡើយ។ ចេះនឹកឃើញពីអ្វីដែលខ្លួនគ្មាន ដឹងពីអ្វីដែលខ្លួនមាន និងភ្ញាក់រលឹកស្គាល់ទុក្ខលំបាក ព្រមទាំងភាពខុសគ្នារវាងអ្នកក្រ និងអ្នកមាន។
តម្លៃអប់រំរឿង៖ បើទោះបីមានទ្រព្យប៉ុណ្ណាក៏មនុស្សមិនចេះស្កប់ស្កល់ដែរ លុះត្រាតែចេះពិចារណាប្រៀបធៀបបែបនេះទើបអាចរំងាប់អារម្មណ៍។ យើងចេះតែភ្លេចថាយើងមានអ្វី ហើយគ្មានអ្វី របស់ដែលឥតប្រយោជន៍សម្រាប់មនុស្សម្នាក់ បែរជាមានតម្លៃសម្រាប់អ្នកផ្សេង ទាំងអស់នេះ វាគ្រាន់តែជាទស្សនៈរបស់មនុស្សម្នាក់ប៉ុណ្ណោះ។ អ្នកក្រអាចរីករាយតាមបែបអ្នកក្រ ចំណែកអ្នកមានអាចរកវិធីរីករាយតាមបែបអ្នកមាន សំខាន់ត្រូវចេះពេញចិត្តអ្វីដែលកំពុងកាន់ក្នុងដៃ៕
ប្រភព៖rikreay24.com
Post a Comment