ពិតជាអស្ចារ្យហើយលោកប្តី! ខឹងសុំលុយប្រពន្ធមិនបាន យកទឹកបាយពុះមិនទាន់ជញ្ជាត់ ចាក់លើក្បាល រលាកផ្ទៃមុខ ត្រូវជាប់ខ្នោះ
ខេត្តកណ្តាល ៖ នៅថ្ងៃទី១១ សីហា ២០១៧ វេលាម៉ោង៤ល្ងាចនៅចំណុច ទំនប់៣៨ ក្នុងភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល។ មានករណីអំពើហឹង្សាបានកើតក្នុងគ្រួសារមួយ ដោយតែបុរសដែលត្រូវជាប្តីនារីរងគ្រោះ
ខឹងសុំលុយប្រពន្ធមិនបាន យកទឹកបាយពុះមិនទាន់ជញ្ជាត់ ចាក់លើក្បាល រលាកផ្ទៃមុខ។ ក្រោយមកជនរងគ្រោះបានដាក់ពាក្យបណ្ដឹងមកកាន់ប៉ុស្ដិ៍រដ្ឋបាលលើកដែកឱ្យជួយអន្តរាគមន៍។ បន្ទាប់ពីទទួលបានបណ្ដឹងភ្លាម កម្លាំងនគរបាលប៉ុស្ដិ៍លើកដែកបានចុះដល់កន្លែងកើតហេតុ រួចនាំខ្លួន ជនសង្ស័យ ខ្លួនបញ្ជូនមកកាន់អធិការដ្ឋានស្រុកកោះធំ ដើម្បីចាត់ការបន្តតាមនីតិវិធី៕
ប៉ូលិសនិយាយថា ជនរងគ្រោះ ឈ្មោះ ឃាង ឡា ភេទស្រី អាយុ៣៣ឆ្នាំ ជនជាតិខ្មែរ មានទីលំនៅ ភូមិព្រែកខ្នាច ឃុំលើកដែក ស្រុកកោះធំ ខេត្តកណ្ដាល មុខរបរ នេសាទ រងរបួសត្រង់មុខខាងស្ដាំ (ប្រពន្ធ)។
ថំណែកជនសង្ស័យឈ្មោះ ខ្លូន ខ្លុង ភេទប្រុស(ប្ដី) អាយុ៣៤ឆ្នាំ ជនជាតិខ្មែរ មានទីលំនៅភូមិព្រែកខ្នាច ឃុំលើកដែក ស្រុកកោះធំ ខេត្តកណ្ដាល មុខរបរ នេសាទ(ឃាត់ខ្លួន)។
ប៉ូលិសបន្តថា នៅមុនពេលកើតហេតុ ជនសង្ស័យឈ្មោះ ខ្លូន ខ្លុង បានសុំលុយប្រពន្ធ (ជនរងគ្រោះ) ចំនួន ៥,០០០៛ ទៅលេងល្បែងបុកប៊ីយែ រួចហើយផឹកស្រាសស្រវឹងជោកជាំ នោះទីនោះ។
លុះដល់ពេលកើតហេតុខាងលើ ក្រោយពីលេងល្បែងចាញ់ និងផឹកស្រាអស់លុយផងនោះ ជនសង្ស័យក៏បានត្រលប់មកផ្ទះសុំលុយប្រពន្ធថែមទៀត ដោយប្រពន្ធគ្មានលុយឱ្យ ស្រាប់តែជនសង្ស័យបាន លើកឆ្នាំងបាយដែលនៅលើចង្ក្រាន (ទើបជាត់ ទឹក) ទៅចាក់ដាក់លើក្បាលប្រពន្ធ បណ្ដាលឱ្យរងរបួសរលាកពេញផ្ទៃមុខខាងស្ដាំ។
Post a Comment