ជួយស៊ែរម្មាក់មួយៗដើម្បីសង្រោ្គះជីវិតមនុស្សផង!!!រោគសញ្ញាមួយចំនួននៃ ជំងឺគ្រុនឈាម ដែលបងប្អូនយល់ច្រលំថាជាជំងឺផ្តាសាយ ហើយការយល់ច្រលំអាចបណ្តាលអោយស្លាប់!!ជួយប្រាប់បងប្អូនតាមស្រុកស្រែចំការបានដឹងផង...
ជំងីគ្រុនឈាម គឺជាជំងឺមួយដែលបណ្តាលមកពីការឆ្លងវីរុសគ្រុនឈាមចម្លងមកមនុស្សតាមរយ:សត្វមូសខ្លាញី។ មូសនេះត្រូវបានគេរកឃើញនៅតំបន់ត្រូពិច មហាសមុត្រប៉ាស៊ីហ្វិចខាងត្បូង អាហ្វ្រិច និង អាមេរិក។
ជំងឺគ្រុនឈាមគឺជាជំងឺឆ្លងមួយប្រភេទដែលបង្ករោគពីសត្វមូសខ្លា។ ជំងឺគ្រុនឈាមច្រើនកើតលើមនុស្សវ័យក្មេងចាប់ពីអាយុ១៥ឆ្នាំចុះក្រោម ក៏ប៉ុន្តែបើតាមការអះអាងពីនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល នៅកម្ពុជាបច្ចុប្បន្នជំងឺនេះក៏កើតមានលើមនុស្សចាស់ផងដែរ។
ជាទូទៅ, រោគសញ្ញានៃជំងឺគ្រុនឈាមលេចឡើងពី៤ ទៅ៧ថ្ងៃក្រោយមនុស្សម្នាក់ត្រូវបានឆ្លង។ មនុស្សដែលត្រូវបានឆ្លងមួយចំនួនមិនមានរោគសញ្ញានោះទេ។ អ្នកខ្លះទៀតនឹងមានរោគសញ្ញានោះរយៈពេល៣ ទៅ១០ថ្ងៃមុននឹងមានអាការៈធូរស្រាល។
អ្នកដែលមានជំងឺគ្រុនឈាមអាចសម្គាល់បានដោយសញ្ញាខាងក្រោមនេះ៖
គ្រុនក្តៅ
ឈឺពីក្រោយភ្នែក និងសន្លាក់, សាច់ដុំ ឬឆ្អឹង
ឈឺក្បាលខ្លាំង
ឡើងកន្តួលក្រហម
ហូរឈាមច្រមុះ ឬអញ្ចាញធ្មេញ
ជាំដែលកើតមានយ៉ាងស្រួល
ជំងឺគ្រុនឈាមដែលមានការហូរឈាម
អ្នកដែលមានជំងឺគ្រុនឈាមដែលមានការហូរឈាមមានរោគសញ្ញាជាទៀងទាត់ក្នុងរយៈពេលពី២ថ្ងៃ ទៅ៧ថ្ងៃ។ ក្រោយពីគ្រុនក្តៅបានបាត់, ពួកគេអាចសម្គាល់បានដោយរោគសញ្ញាខាងក្រោមនេះ៖
ចង្អោរ និងក្អួត
ឈឺពោះខ្លាំង
ពិបាកដកដង្ហើម
ប្រសិនបើជំងឺគ្រុនឈាមដែលមានការហូរឈាមមិនត្រូវបានព្យាបាលបានទាន់ពេលនោះទេ, អ្នកជំងឺនោះអាចមានការហូរឈាមធ្ងន់ធ្ងរ និងចុះសម្ពាធឈាម និងអាចបណ្តាលអោយស្លាប់បានផងដែរ៕
ដូចនេះបើលោកអ្នកឃើញសភាពអ្នកជំងឺដូចរៀបរាប់ខាងលើ ត្រូវតែបញ្ជូនគាត់ទៅមណ្ឌលសុខភាព ឬ មន្ទីរពេទ្យដែលនៅជីតបំផុតមិនឲ្យលើសពី៣ថ្ងៃ ។
ចំណាំ ៖ សូមកុំឲ្យអ្នកជំងឺឈឺធ្ងន់ធ្ងររហូតដល់ ហូរឈាមតាមរន្ធធម្មជាតិដូចជា តាមច្រមុះ តាមអញ្ចាញធ្មេញ នោមចេញឈាម។ ក្នុងករណីនេះអ្នកជំងឺនឹងឈានទៅរកការបាត់បង់ជីវិត។
២-វីធីបង្ការ : ពេលគេងត្រូវដាក់មុង ជាពិសេសនៅពេលថ្ងៃ មុសខ្លាញីច្រើនចម្លងមេរោគនៅពេលថ្ងៃ , សម្អាតបរិស្ថានក្នុងនិងក្រៅផ្ទះដូចជា៖ កប់វត្ថុដែលដក់ទឹក ឬយកទៅដុតចោល លាងពាង ថូផ្កា ។ល។
ហាមប្រើប្រាស់ថ្នាំដោយគ្មានវេជ្ជបញ្ចាពីគ្រូពេទ្យ ៕
Post a Comment