មិនសរសើរមិនបាន!!!! ជាថ្មីម្តងទៀតកម្ពុជានឹងបញ្ជូនកងកម្លាំងរក្សាសន្តិភាពជាង៤០០នាក់បន្ថែមទៀតទៅបរទេស
នេះបើតាមការជូនដំណឹងរបស់អ្នកនាំពាក្យក្រសួនៅដើមខែ ឧសភា ឆ្នំា ២០១៨នេះកម្ពុជានឹងរៀបចំបញ្ជូនកងកម្លាំងរក្សាសន្តិភាពក្រោមស្លាកអង្គការសហប្រជាជាតិជាង៤០០នាក់បន្ថែមទៀតទៅបរទេស។ឯកឧត្តម ឈុំ សុជាត អ្នកនាំពាក្យក្រសួងការពារជាតិសរសេរលើទំព័រហ្វេសនាព្រឹកនេះថាកងកម្លាំងកម្ពុជាចំនួន៤២៨នាក់នឹងត្រូវបញ្ជូនទៅកាន់ប្រទេសម៉ាលី និងសាធារណរដ្ឋស៊ូដង់ខាងត្បូង។
បើតាមឯកឧត្តមអ្នកនាំពាក្យ កងកម្លាំងដែលត្រូវបញ្ជូនទៅកាន់ប្រទេសម៉ាលីមានកងវិស្វកម្មព្រលានយន្តហោះចំនួន១៦៥នាក់ និងកងកម្ទេចគ្រាប់មិនទាន់ផ្ទុះចំនួន១៤៤នាក់។ ដោយឡែកកងរាជអាវុធហត្ថចំនួន១១៩នាក់ផ្សេងទៀតនឹងត្រូវបញ្ជូនទៅបំពេញបេសកកម្មនៅសាធារណរដ្ឋស៊ូដង់ខាងត្បូង។
ឯកឧត្តមសរសេរបន្តថា៖ «ព័ត៌មានចុងក្រោយ បង្ហាញថា រហូតដល់ពេលនេះ កម្ពុជាមានកងកម្លាំងរក្សាសន្តិភាពអង្គការសហប្រជាជាតិ ប្រមាណ៨១៣នាក់ កំពុងបំពេញបេសកកម្ម នៅប្រទេសស៊ូដង់ ស៊ូដង់ខាងត្បូង លីបង់ ម៉ាលី និងអាហ្រ្វិកកណ្តាល»៕
Post a Comment