វិធីសាស្ត្រធម្មជាតិងាយៗ ក្នុងការកម្ចាត់ កំណកកំបោ ចេញពីធ្មេញ

គ្រឿងផ្សំ

• ម្សៅសូដា (Baking soda)
• ច្រាស់ដុះធ្មេញ 
• ទឹកសម្អាតធ្មេញភឺរ៉ូសាយ ឬ Hydrogen peroxide
• អំបិល
• ទឹក និងពែងទឹក
• ដែក ឬឈឺឆ្កិះធ្មេញ
• ទឹកខ្ពុលមាត់

ម្សៅសូដា គឺជាគ្រឿងផ្សំដោយមានប្រជាប្រិយភាព និងប្រសិទ្ធភាពបំផុតសម្រាប់ការកម្ចាត់កំណកកំបោ។ ទឹកសម្អាតធ្មេញភឺរ៉ូសាយ គឺត្រូវបានប្រើប្រាស់ក្នុងវិជ្ជទន្តពេទ្យដើម្បីធ្វើឲ្យធ្មេញស ជៀសផុតពីការមានកំណក និងជួយព្យាបាលជំងឺរាក់សុីធ្មេញ។

 

របៀបធ្វើ

 

ជំហានទី 1:

លាយផ្សៅសូដាមួយស្លាបព្រា ជាមួយនឹងអំបិលកន្លះស្លាបព្រាចូលក្នុងពែងមួយ។ ក្រោយពីអ្នកជ្រលក់ច្រាស់ដុសធ្មេញរបស់អ្នកក្នុងទឹកក្តៅអ៊ុនៗរួចហើយ អ្នកត្រូវជ្រលក់ច្រាស់នោះក្នុងរូបមន្តដែលផ្សំរួចខាងដើម។ ដុះធ្មេញជាមួយនឹងច្រាស់នោះ និងស្តោះចេញ។ បន្តធ្វើបែបនេះរយៈពេល៥នាទី។

 

ជំហានទី 2:

លាយទឹកសម្អាតធ្មេញភឺរ៉ូសាយមួយពែងពេញជាមួយនឹងទឹកក្តៅអ៊ុនកន្លះពែង និងខ្ពុលសម្អាតមាត់របស់អ្នកសម្រាប់រយៈពេលមួយនាទី បន្ទាប់មក ស្តោះចេញ និងលាងមាត់ចេញជាមួយនឹងទឹកត្រជាក់កន្លះពែង។

 

ជំហានទី 3:

ឆ្កិះ ឬដុសយកកំណកពណ៌លឿងចេញពីធ្មេញជាមួយនឹងឈើឆ្កិះធ្មេញ។ សូមប្រុងប្រយ័ត្នកុំឲ្យប៉ះទៅនឹងអញ្ចាញពីព្រោះវាអាចធ្វើឲ្យឈឺ និងខូចអញ្ចាញ។

 

ជំហានទី 4:

ខ្ពុលមាត់ចេញជាមួយនឹងទឹកខ្ពុលមាត់ លាង និងធ្វើបែបនេះរយៈពេលពីរថ្ងៃម្តង នោះអ្នកនឹងអាចកម្ចាត់កំណកបានយ៉ាងជោគជ័យ៕