ស្ដេចប្រដាល់ថៃ បូខាវ វ៉ៃដូចរន្ទះជាមួយជើងខ្លាំងមួយរូប លើទឹកដីហុងកុង យប់មិញ

ហុងកុង៖ កំពូលកីឡាករប្រដាល់របស់ថៃ បូខាវ បានយកឈ្នះកីឡាករ Victor Nagbe ដោយពិន្ទុ កាលពីយប់មិញនេះ។

អ្នកប្រដាល់មួយថៃ ដែលជំនាញទាំងជង្គង់កណ្ដាប់ដៃ និងជើង បានចាប់ផ្ដើមធើ្វការសម្រុកទៅលើកីឡាករសម្បុរខ្មៅតាំងពីដើមទឹក ប៉ុន្ដែរូបគេអាចទប់ទល់ និងវាយទប់ការពារខ្លួនផងដែរ។ ការសម្រុកខ្លាំង និងវាយចំគោដៅច្រើនតាំងពីដើមទឹកទី១ រហូតដល់ទឹកបញ្ចប់ លោកអាជ្ញាកណ្ដាលក៏សម្រេចផ្ដល់ជ័យជម្នះដល់កីឡាករ បូខាវ ឈ្នះដោយពិន្ទុ។

សូមបញ្ជាក់ថា ការប្រកួតនៅលើទឹកដីប្រទេស ហុងកុង នេះ គឺជាការប្រកួតលក្ខណៈមិត្ដភាពតែប៉ុណ្ណោះ ត្បិតនេះគឺជាការប្រកួតលើកទី១ហើយ ដែលកីឡាករ Victor Nagbe មានឱកាសប្រកួតជាមួយកំពូលអ្នកប្រដាល់លំដាប់ពិភពលោកដូចជា បូខាវ នេះ៕