ហោរាសាស្ត្រសម្រាប់ថ្ងៃទី ២០-៣១ ខែកក្កដា ឆ្នាំ ២០១៧
ឆ្នាំជូត
(ពង្សទេព្តាប្រុស ធាតុទឹក)
រាសីស្រុតចុះ៖ នៅថ្ងៃនេះលោកអ្នកគប្បីរក្សាភាពស្ងប់ស្ងាត់ហើយពិសេសមិនត្រូវតបតជាមួយក្រុមមនុស្សដែលថាស្តីបន្ទោសយើងឡើយពីព្រោះថាងាយកើតជាបញ្ហាពីតូចទៅធំណាស់។
រីឯបញ្ហាគូគ្រងប្តីប្រពន្ធឬគូស្នេហ៍កំលោះក្រមុំឬពោះម៉ាយមេម៉ាយក្តីកុំសូវយករឿងចាស់មកនិយាយច្រើនប្រយ័ត្នកើតជម្លោះវិវាទរស់នៅមិនសុខដុមនិងនៅក្បែរគ្នាមិនកើត។
ឆ្នាំឆ្លូវ
(ពង្សមនុស្សប្រុស ធាតុដី)
រាសីស្រុតចុះ៖ នៅថ្ងៃនេះលោកអ្នកត្រូវចេះគ្រប់គ្រងអារម្មណ៍ឱ្យបានល្អនិងការប្រកបការងារត្រូវចេះមើលគេឯងទើបមិនមានបញ្ហាចោទឡើង។ ការធ្វើដំណើរឆ្ងាយជិតមិនសូវមានសុវត្តិភាពប៉ុន្មានទេគប្បីប្រយ័ត្នប្រយែង។
រីឯបញ្ហាស្នេហាកំលោះក្រមុំកុំចង់ទុំមុនស្រគាលប្រយ័ត្នកើតរឿងប្រុសប្រកែកស្រីប្រកាន់កើតរឿងធំអាប់ឱនអស់កិត្តិយស។
ឆ្នាំខាល
(ពង្សយក្សស្រី ធាតុឈើ)
រាសីល្អជាមធ្យម៖ អ្នកប្រកបរបររកស៊ីជួញដូរលោកអ្នកជួបរឿងរកាំចិត្តច្រើនហើយការជួញទីជិតឆ្ងាយចូរប្រយ័ត្នមានជម្លោះវិវាទជាមួយក្រុមមនុស្សនៅក្បែរខ្លួនព្រោះមានភាពផុយស្រួយកើតរឿងប្រេះស្រាំណាស់។ ការធ្វើដំណើរចូរប្រយ័ត្នក្រុមមនុសុ្សបង្កបញ្ហាណាមួយឡើងនាំពិបាកដោះស្រាយ។
សម្ព័ន្ធស្នេហាកំលោះក្រមុំកុំនាំគ្នាដើរពាសវាលកាលប្រយ័ត្នជួបរឿងចៃដន្យអាក្រក់ណាមួយកើតឡើង។
ឆ្នាំថោះ
(ពង្សមនុស្សស្រី ធាតុឈើ)
រាសីខ្ពស់ត្រដែត៖ នៅពេលនេះអ្វីៗឃើញថាមានភាពរលូនល្អហើយធ្វើអ្វីក៏តែងមានការចម្រើនលូតលាស់និងផ្តល់ជាផ្លែផ្កាល្អៗមកវិញជានិច្ច។ អ្នកប្រកបរបររកស៊ីជួញដូរមិនថាទីឆ្ងាយជិតតែងទទួលជោគជ័យដោយកើបផលចំណេញត្រឡប់មកផ្ទះវិញគួរជាទីកក់ក្តៅ។
រីឯបញ្ហាសេចក្តីស្នេហាកំលោះក្រមុំបើចង់ផ្សះផ្សាជម្លោះវិវាទអ្វីមួយដែលកើតឡើងតាំងពីយូរមកហើយជាឱកាសល្អប្រពៃបំផុត។
ឆ្នាំរោង
(ពង្សទេព្តាប្រុស ធាតុមាស)
រាសីល្អជាមធ្យម៖ នៅថ្ងៃនេះលោកអ្នកមានដំណើរជីវិតភ្លឺថ្លាហើយទោះកាន់កិច្ចការអ្វីក៏មានការជឿនលឿនទៅមុខគ្រាន់បើផងដែរ។ សម្រាប់ការធ្វើដំណើរទីជិតឆ្ងាយបើទោះបីថាមិនមានអ្វីបង្កការអុកឡុកយាយីក្តីតែក៏មានភាពសុខដុមគ្រាន់បើ។
សម្រាប់សេចក្តីស្នេហាកំលោះក្រមុំមានកាប្រែប្រួលប្តូរផ្លាស់ព្រោះជួនត្រូវរ៉ូវជួនពាក់មុខយក្សដាក់គ្នាឬកើតការគុំគួនដោយប្រការណាមួយ។
ឆ្នាំម្សាញ់
(ពង្សមនុស្សប្រុស ធាតុភ្លើង)
រាសីល្អជាមធ្យម៖ នៅថ្ងៃនេះការប្រកបកិច្ចការងារអ្វីឃើញថាមានការជឿនលឿនទៅមុខយឺតហើយពិសេសងាយកើតបញ្ហាជាមួយអ្នកដទៃថែមទៀត។ អ្នកប្រកបរបររកស៊ីជួញដូរវិញបើលោកអ្នកមានការខិតខំហើយរវៀសរវៃក្នុងមុខទំនិញខ្លះក៏អាចរកផលចំណូលចូលធូរគ្រាន់ស្រួលចិត្តផង។
រីឯបញ្ហាស្នេហាកំលោះក្រមុំមានភាពសុខដុមល្អតែយ៉ាងណាភាពប្រចែប្រច័ណ្ឌនៅតែលុកលុយនៅឡើយទេ។
ឆ្នាំមមី
(ពង្សទេព្តាស្រី ធាតុភ្លើង)
រាសីខ្ពស់ត្រដែត៖ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគួរសមហើយទោះជួញទីជិតឆ្ងាយអាចរកផលកម្រៃគ្រាន់ចិញ្ចឹមគ្រួសាររស់។ ការធ្វើដំណើរទីជិតឆ្ងាយមានតែក្រុមមនុស្សជួយយកអាសានិងគាំពារជានិច្ច។
រីឯបញ្ហាសេចក្តីស្នេហាប្រុសស្រីមានការស្រុះស្រួលគ្នាល្អហើយបើលោកអ្នកមិនទាន់មានគូគាប់ពេលនេះជាពេលវេលាល្អក្នុងការស្វែងរកផងដែរ។
ឆ្នាំមមែ
(ពង្សទេព្តាស្រី ធាតុមាស)
រាសីខ្ពស់ត្រដែត៖ ក្នុងថ្ងៃនេះរាល់ឧបទ្រពចង្រៃនិងរាល់ឧបសគ្គនានាបានត្រូវរលាយសាបសូន្យដូចនេះធ្វើឱ្យការប្រកបការងារមានការចម្រើនលូតលាស់និងមានភាពសុខដុមគ្រាន់បើ។ សម្រាប់អ្នកប្រកបរបររកស៊ីជួញដូរមិនថាការចេញធ្វើជំនួញតាមផ្លូវទឹកផ្លូវអាកាសឬផ្លូវគោកក្តីការរកផលចំណូលមានចូលមួយៗគ្រាន់បន្សើមបំពង់កអញ្ចឹងដែរ។
សេចក្តីស្នេហាកំលោះក្រមុំបើចង់ទំនាក់ទំនងស្នេហាថ្មីថ្មោងដោយមានការចូលនិយាយដល់ចាស់ទុំតែងជោគជ័យដូចគាប់បំណង។
ឆ្នាំវក
(ពង្សយក្សប្រុស ធាតុដែក)
រាសីល្អជាមធ្យម៖ នៅថ្ងៃនេះបើទោះបីលោកអ្នកធ្វើអ្វីៗក៏ដោយតែងមិនសូវសមដូចប្រកបទេគួរមានការអត់ធ្មត់បន្តិចទើបប្រសើរ។ ចំពោះបញ្ហាការងារមានរឿងរ៉ាវតប់ប្រម៉ល់និងបញ្ហារកាំចិត្តច្រើនបន្តិចហើយទាល់តែចេះធ្វើគធ្វើថ្លង់ខ្លះទើបពុំមានរឿងរាវអាក្រក់ៗកើតឡើង។ អ្នកប្រកបរបររកស៊ីជួញដូរក្នុងថ្ងៃនេះដែរចូរប្រយ័ត្នគ្រោះចាញ់បោកគេនិងគ្រោះបាត់របស់របរដោយសារក្រុមមនុស្សកេងបន្លំបោកប្រាស់ដោយប្រការណាមួយ។
បញ្ហាសេចក្តីស្នេហាកំលោះក្រមុំមានដំណើរទៅមុខយឺតហើយងាយថយក្រោយណាស់។
ឆ្នាំរកា
(ពង្សយក្សប្រុស ធាតុដែក)
រាសីល្អជាមធ្យម៖
រាល់ការបំពេញភារកិច្ចនៅថ្ងៃនេះមានសភាពរលូនទៅមុខដូចសព្វមួយដង
ប៉ុន្តែក្នុងថ្ងៃនោះក៏ទាមទារឱ្យលោកអ្នកមានការប្រឹងប្រែងបន្តិចដែរ
ដើម្បីឱ្យបានសម្រេចដល់គោលដៅដែលចង់បាន។ បើជាអ្នកប្រកបរបររកសុីជួញដូរវិញ
ប្រាក់កំរៃបានមកកាក់កបគ្រាន់បើអាចឱ្យលោកអ្នកសន្សំទុកបានខ្លះ។
រីឯបញ្ហាស្នេហា ការចេះយល់យោគគ្នា គឺឺជាវិធីដ៏ល្អប្រសើរបំផុត។
(ពង្សយក្សស្រី ធាតុដី)
រាសីល្អជាមធ្យម៖ ក្នុងថ្ងៃនេះទោះប្រកបការងារអ្វីក៏ដោយលោកអ្នកមិនត្រូវទុកចិត្តអ្នកដទៃពេកឡើយព្រោះថាក្រុមមនុស្សចាំកេងចំណេញផលប្រយោជន៍ឬក្បត់បោកប្រាស់នោះក៏ច្រើនដែរ។ អ្នកប្រកបរបររកស៊ីជួញដូរមានការរីកលូតលាស់ទៅមុខជាសន្សឹមៗដូចនេះលោកអ្នកមិនអាចធ្វើអ្វីធំដុំឬតក់ក្រហល់ដោយក្តីលោភលន់បានទេបើពុំនោះនឹងនាំខាតបង់ទៅវិញ។
សម្ព័ន្ធស្នេហាប្រុសស្រីកុំគប្បីមានការប្រកែប្រកាន់ច្រើននាំកើតក្តីជម្លោះវិវាទប៉ុណ្ណោះ។
ឆ្នាំកុរ
(ពង្សមនុស្សស្រី ធាតុទឹក)
រាសីខ្ពស់ត្រដែត៖ នៅថ្ងៃនេះផ្តល់ផលល្អសម្រាប់លោកអ្នកចរចាឬនិយាយបញ្ហាអ្វីមួយជាមួយអ្នកដទៃពីព្រោះថាផលល្អៗតែងឆ្លើយតបមកវិញជានិច្ច។ ចំពោះអ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំឃើញថាមិនមានទាស់ខុសអ្វីដែរព្រោះផ្លែផ្កាទទួលបានក៏ឆ្លើយតបគ្រាន់កក់ក្តៅ។
រីឯបញ្ហាគូរស្នេហ៍កំលោះក្រមុំឬពោះម៉ាយមេម៉ាយក្តីបើមានផែនការអ្វីសម្រាប់រៀបចំជាគ្រួសារហើយខ្នះខ្នែងធ្វើតែងជោគជ័យដូចបំណង៕
ទោះបីយ៉ាងណា សូមបួងសួងអោយវត្តុមានបារមី តាមជួយថែរក្សាបងប្អូនទំាងអស់គ្នា។
Post a Comment