ត្អូញឈឺធ្មេញច្រើនថ្ងៃ អត់បានទៅពេទ្យ បែរជួបរឿងអកុសលហួសស្មាន
នារីជនជាតិថៃដ៏ស្រស់ស្អាតម្នាក់ បានឈឺធ្មេញជាច្រើនថ្ងៃមិនបានទៅជួបគ្រូពេទ្យភ្លាមៗទេ ដល់ពេលមុខឡើងហើម ក៏សម្រេចទៅជួបគ្រូពេទ្យ ពេទ្យរកឃើញថា នាងមានជំងឺមហារីកថ្គាមកាចសាហាវរហូតប៉ោងថ្ពាល់ម្ខាងចំណាំលែងស្គាល់។
នារីអភ័ព្វមានឈ្មោះ Jenie Yoo អាយុ ២៨ឆ្នាំ បានឈឺចុកចាប់តាំងពីខែវិច្ឆិកា ឆ្នាំ ២០១៥ និងបានឲ្យគ្រូពេទ្យព្យាបាលនៅខែមិនា ឆ្នាំ ២០១៦ ប៉ុន្តែសាច់ដុះ ចាប់ផ្ដើមរីកធំឡើងៗនៅថ្ពាល់ខាងស្ដាំ។
ជំងឺមហារីកចាប់ផ្ដើមរីកដុះដាលកាន់តែខ្លាំង បន្ទាប់ពីព្យាបាលនៅដើមឆ្នាំ ២០១៧នេះដែលជាការឧបត្ថម្ភពីសប្បុរសជនអាណិតអាសូរនាងជាច្រើននាក់។ អ្វីធ្វើឲ្យនាងដេកសម្រក់ទឹកភ្នែករាល់ថ្ងៃ គឺនៅខែមិថុនាថ្មីៗនេះ ដុំមហារីករីកធំប៉ោងខ្លាំងមែនទែន ហើមមុខ ហើមមាត់ធ្វើឲ្យចេញឈាមតាមច្រមុះរាល់ថ្ងៃ ឯធ្មេញចាប់ផ្ដើមជ្រុះម្ដងមួយៗគួរឲ្យសង្វេគ។
ដោយសារតែស្ថានភាពជំងឺគ្មានថ្ងៃធូរស្បើយ នាង Yoo ត្រូវគេរំពឹងថា មិនអាចរស់នៅបានយូរទៀតទេ គឺរង់ចាំតែថ្ងៃផុតរលត់សង្ខារមកដល់ ព្រោះនាងមិនអាចនិយាយស្រួល ញ៉ាំអាហារនិងដេកលើគ្រែមួយកន្លែងក្នុងទីក្រុងបាងកក ប្រទេសថៃ។
នាងប្រឹងនិយាយទាំងអួលដើមកថា «ខ្ញុំមានអារម្មណ៍ថា ខ្ញុំដូចជាមនុស្សជិតស្លាប់ ខ្ញុំឈឺចុកចាប់ខ្លាំងណាស់ ហើយប្រកាច់ស្ទើររាល់ពេល។ ឪពុកម្ដាយរបស់ខ្ញុំមិនអាចដើរឆ្ងាយពីខ្ញុំបានទេ ពួកគាត់នៅតាមជួយខ្ញុំរហូត។ ខ្ញុំមិនដឹងថាខ្ញុំធ្វើខុសអ្វីទេ បានគ្រោះចង្រៃនេះកើតឡើងចំពោះខ្ញុំដូច្នេះ។ វាហួសពេលហើយក្នុងការវះកាត់ ខ្ញុំមិនចង់រំខានអ្នកជុំវិញទៀតទេ ខ្ញុំចង់តែស្លាប់ឆាប់ៗ»។
ជាការដាស់តឿនក្រើនរម្លឹកស្មារតី បើបងប្អូនមានបញ្ហាអ្វីទាក់ទងនឹងសុខភាពមើលមិនស្រួល រត់ទៅជួបពិគ្រោះយោបល់ជាមួយពេទ្យភ្លាម កុំទុកឲ្យវាវិវឌ្ឍទៅជាធ្ងន់ធ្ងរមើលលែងជាដូចករណីខាងលើ៕
ប្រភព៖http://rikreay24.com/archives/5727
Post a Comment