ទីបំផុតចាប់បានកំពូលឃាតករភ្នែក១ល្បី ប្លន់ រំលោភ សម្លាប់ យ៉ាងកក្រើកនៅវៀតណាម

ភ្នំពេញ ៖ ជនសង្ស័យជនជាវៀតណាម ដែលជាឃាតករភ្នែក១ ដ៍សាហាវ ធ្វើសកម្មភាព ប្លន់ រំលោភ សម្លាប់ យ៉ាងកក្រើកនៅឯប្រទេសវៀតណាម ហើយគេចខ្លួនរយះពេលជិតកន្លះឆ្នាំនោះ ត្រូវបានកំលាំងកងរាជអាវុធរាជធានីភ្នំពេញ នៃការិយាល័យ “ក៤” ចាប់ខ្លួនបានហើយ ដោយយោងតាមដីកាស្វែងរកចាប់ខ្លួនរបស់តុលាការវៀតណាម។

ជនសង្ស័យជាឃាតករ ភ្នែក១ដ៍សាហាវនេះ ចាប់ខ្លួនបាន កាលពីថ្ងៃទី​២៣ ខែមេសា​ ឆ្នាំ២០១៨​ វេលាម៉ោង​១៥និង៥០នាទី​រសៀល ដោយកងកម្លាំងការិយាល័យ ក៤ ចំនួន០៨នាក់ សហការជាមួយកំលាំងនៃអធិការដ្ឋាននគរបាល បាលខណ្ឌច្បារអំពៅ។

សមត្ថកិច្ចបានឱ្យដឹងថាជនសង្ស័យដែលឃាត់ ខ្លួនបាននេះមាន ឈ្មោះ គីម ថានហឹង ហៅតាយ ភេទប្រុស អាយុ៤៣ឆ្នាំ ជនជាតិវៀតណាម។

ចាប់ខ្លួននៅ ត្រង់ចំនុចខាងក្រោយវត្តចម្បារ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ​ ដោយយោង តាមដីការរបស់នគរបាល ប្រទេសវៀតណាម ដែលបានចោទពីបទ​ ប្លន់ រំលោភ សម្លាប់ ដែលបានព្រព្រឹត្តិទៅនៅ ថ្ងៃទី១៤ ខែ១២ ឆ្នាំ២០១៧ នៅខេត្ត ចាវិញ​ ប្រទេសវៀតណាម ។

ជនសង្ស័យរូបនេះ ក្រោយពីសមត្ថកិច្ចកម្ពុជាសាកសួររួចហើយ និងប្រគល់ទៅឱ្យនគរបាលវៀតណាម ចាត់ការណ៍បន្តតាមនិតិវិធី៕